Magsasaka kisay sa kuryente

Legazpi City, Albay, Philippines — Patay na nang matagpuan ang isang 20-anyos na magsasaka matapos makuryente habang naglalakad sa Brgy. Bolo Norte sa bayan ng Sipocot, Camarines Sur noong Miyerkules ng madaling araw.

Halos pumutok at masunog sa lakas nang boltahe ang katawan ng biktimang si Rodelio Bondoy Jr, residente ng Brgy. Sooc, Lupi.

Ayon sa ulat, dakong alas-2:30 ng madaling araw, napadaan ang biktima sa kiskisan ng palay na pag-aari ng negosyanteng si Allan Betancur nang aksidenteng mahawakan nito ang kable ng kuryente at nangisay.

Mismong si Betancur ang nakadiskubre nang pagkakakuryente ng biktima makaraang magkaroon ng spark ng kur­yente sa kanyang lugar pero ’di na nailigtas dahil sa agarang pagkasawi ng magsasaka.