Ex-SK kagawad huli sa rape

CAVITE, Philippines — Isang dating kagawad ng Sangguniang Kabataan sa Nasugbu, Batangas na tinaguriang No. 2 Most Wanted Person ng lungsod ng Tagaytay ang dinakip ng mga awtoridad dahil sa kasong panggagahasa sa isang dalagang trainee ng hotel kamakalawa ng gabi.

Sa operasyon ng pinagsanib na puwersa ng Tagaytay CCPS, 403rd Meneuver Company RMFB 4A at RID 4A PIT Batangas, kasama ang Brgy. Intelligence Network (BIN) at Force Multiplier (KIF-ACO) Tagaytay Chapter, natimbog sa bisa ng warrant of arrest ang suspek na si Edison Siapno, 23, binata, residente ng Brgy. Kaylaway, Nasugbu, Batangas, at dating SK kagawad ng Brgy. Wawa, Nasugbu.

Sa ulat, alas-11:00 ng gabi bitbit ang arrest warrant na inisyu ni Judge Jaime Santiago ng  RTC Br 18, Tagaytay City para sa kasong rape sa isang dalaga noong Abril 12, 2016 kung saan ang suspek ay empleyado ng isang hotel sa Tagaytay at ang biktima ay trainee nito.