Rider utas sa road mishap

MANILA, Philippines – Patay ang 56-anyos na rider matapos na magbanggaan ang motorsiklo at pickup sa kahabaan ng Sayre Highway sa Barangay Dicklum, bayan ng Manolo Fortich, Bukidnon noong Biyernes ng hapon. Idineklarang patay sa Bukidnon Provincial Hospital ang biktimang si Winefredo Umala. Sa ulat ng Bukidnon PNP na nakarating sa Camp Crame, pauwi na ang biktimang nagmomotorsiklo mula sa dinaluhang birthday party nang makabanggaan ang Masda pickup (KCB313) na minamaneho ni Noel Tabamo. Sa lakas ng pagkakabangga ay tumilapon ang biktima na nagawa pang maisugod sa pagamutan subalit nabigong maisalba ang buhay.