Killer ng 13-anyos, huli na

TUGUEGARAO CITY, Philippines – Nasukol na ng mga pulis ang 51-anyos na wanted sa brutal na pagpatay sa 13-anyos na apo ng kanyang dating kinakasamang lola habang nag-aabang ng biyahe sa terminal ng Victory Liner sa Brgy. Marcoville, Baguio City kamakalawa. Kinilala ng pulisya ang arestado na si Isidro “Mundo” Bulandos na akusado 12 beses na pananaksak sa batang si Jaselliet Wakit, sa loob ng kanilang bahay sa Brgy. Pesa, Bongabon, Nueva Ecija noong nakaraang buwan. Sugatan din sa pag atake ang lola ng biktima na Juliet Quigas, 51, at mga kapatid na sina Jerson Kurt Wakit, 8 at Jhian Dave Wakit, 7. Nag-ugat ang pag atake ni Bulandos sa mag-lola nang tumanggi silang magpa-areglo sa isinampa nilang kasong panghahalay nito sa namatay na si Jesseliet noong nakaraang Hunyo. Si Bulandos ay inaresto sa bisa ng warrant of arrest sa kasong murder at frustrated murder.