Principal pinabulagta
MANILA, Philippines - Isang elementary school principal ang nasawi makaraang pagbabarilin ng hindi pa nakilalang mga armadong salarin na hinihinalang mga notoryus na holdaper sa naganap na insidente sa Zamboanga City nitong Huwebes ng hapon.
Sa ulat, kinilala ni Zamboanga City Police Director Sr. Supt. Edwin de Ocampo ang nasawing biktima na si Wilson Recisio, bagong talagang principal sa Lumayang Elementary School sa lungsod na nasawi sa mga tama ng bala ng cal.45 pistol.
Bandang alas- 4 ng hapon habang pauwi ang biktima sa kanilang tahanan lulan ng motorsiklo na bumabagtas sa highway ng Brgy. Lumayang ng mangyari ang insidente.
Sa isinagawang inisyal na imbestigasyon ng mga awtoridad, lumutang ang anggulo ng pagnanakaw sa motibo ng pagpatay sa biktima dahilan nawawala ang mahahalaga nitong kagamitan tulad ng laptop, cell phone at wallet na naglalaman ng hindi pa madeterminang halaga.
- Latest
- Trending