BULACAN, Philippines – Kalaboso ang binagsakan ng apat na kalalakihan na sinasabing notoryus karnaper matapos maaresto ng pulisya sa inilatag na operasyon sa Barangay Talampas sa bayan ng Bustos, Bulacan kahapon ng madaling araw. Sumasailalim sa tactical interrogation at pormal na kinasuhan ang mga suspek na sina Michael Jordan Bolinao, 21; isang alyas Batcher, 17, kapwa nakatira sa Northville 3, Brgy. Bayugo, Meycauayan City; Enrique “Hogan” Tintoy, 42, ng Brgy.Tanawan at si Ryan Nero, 32, ng Brgy. Poblacion sa Bustos, Bulacan. Ayon kay P/Insp. June Tabigo-on, narekober naman ang kinarnap na dalawang traysikel na pag-aari nina Francis Fernandez, 24, ng Barangay Bayugo, Meycauayan City; at Danilo Mangulabnan, 60, ng Barangay Subic, Baliwag, Bulacan.