2 pulis dedo sa NPA rebs

TUGUEGARAO CITY, Philippines — Dalawang pulis ang ini­ulat na napaslang makaraang pagbabarilin ng mga rebeldeng New People’s Army sa Barangay Ladia sa bayan ng Piat, Cagayan kamakalawa ng hapon.

Nakilala ang mga napatay na sina PO2 Joseph Sibal at PO2 Rommel Carangian. Base sa police report, lumilitaw na inihatid ni PO2 Sibal ang kanyang anak sa eskwelahan ng Piat National High School nang lapitan at pagbabarilin.

Kaagad naman nakarating ang ulat kaugnay sa pamamaril ng mga rebelde kaya sumaklolo ang mga kasamahan ni PO2 Sibal subalit tinambangan naman ang grupo ng mga pulis kung saan napatay si PO2 Carangian. Kaagad naman tumakas ang mga rebelde patungo sa direksyon ng kabundukan ng Barangay Binarino.