Koreano nalunod sa Bora

MANILA, Philippines - Kamatayan ang suma­lu­bong sa isang 28-anyos na Koreano na nagba­bakasyon sa bansa ma­karaang malunod sa pamo­song beach resort sa Bo­racay Island sa bayan ng Malay, Aklan kamakalawa. Nakikipagkoordinasyon na ang pulisya sa mga Korean officials para maiuwi ang bangkay ni Chang Yun Lim, 28, na naka-billet sa Boracay Garden Resort, Station 2 sa Brgy. Balabag. Naganap ang insidente sa bahagi ng Angol Point sa station 3, Boracay Island kung saan nagawa pang maisugod sa Baptist Hospital, Brgy. Caticlan, pero idineklarang patay. Lumilitaw sa pagsusuri ng mga doktor na nalunod ang biktima matapos sum­pungin ng cardio-pulmonary arrest.