Talunang mayoralty bet namaril

MANILA, Philippines - Dahil sa hindi matang­gap na pagkatalo, binaril ng talunang mayoralty candidate ang supporter ng kalaban nitong kan­didato ng administrasyon sa Ba­rangay Burgos, sa bayan ng Batuan, Masbate noong Martes ng hapon.

Kinilala ang nabaril sa binti na si Junior Argote na na­kasakay sa motor­ siklo kasama ang dala­wang iba pa.

Samantala, tugis na­man ng mga awtoridad ang suspek na si Pwersa ng Masang Pilipino (PMP) mayoralty candidate Este­ban Ballesteros.

Nabatid na kahit may tama ng bala ang biktima ay nagawang makalayo patungong Batuan at hu­mingi ng saklolo.

Si Argote ay supporter ni Lakas-Kampi-CMD ma­yor-elect Charlie Yuson III na kalaban naman ni PMP mayoralty candidate Bal­les­teros.

Lumilitaw na hindi ma­tanggap ni Ballesteros na nakakuha ng 2,152 boto sa hindi pa opisyal na tally ng Comelec laban sa na­ngungunang si Yuson III na may boto namang 2, 721 na patuloy na naka­kaungos.