MANILA, Philippines - Tinatayang aabot sa P1.2 milyong halaga ang ari-arian ang tinupok ng apoy makaraang masunog ang 13 bahay kamakalawa ng gabi sa kahabaan ng Zamor Street sa Brgy. VI sa Roxas City, Capiz. Sa police report, nagsimula ang apoy sa boarding house na sinasabing pag-aari ni Dalita Almalbis matapos ang brownout.Wala namang naiulat na nasawi o kaya nasugatan kung saan sinasabing nagsimula ang apoy mula sa natumbang kandila bunga ng brownout. Joy Cantos