Tinyente ng pulis nasalisihan

NUEVA VIZCAYA,Philippines – Maging ang isang tinyente ng pulisya ay hindi sinanto ng mga ’di-pa kilalang kalalakihan makaraang looban ang kanyang tahanan sa Santiago City-Isabela, ayon sa ulat ng pulisya kahapon. 

Ayon kay P/Supt. Reynaldo Sinaon, hepe ng Santiago City PNP, itinaon ng mga kawatan na walang-tao sa tahanan ni P/Insp. Joseph Reclamado sa Barangay Divisoria kung saan winasak ang pintuan at window jalousie sa likurang bahagi ng bahay at nakapasok sa master’s bedroom.

Natangay ang P50,000, mga lahas at ang 9mm Beretta pistol at mga bala na pag-aari ng tinyente. May mga nakuhang fingerprints ang pulisya at kasalukuyang bineberipika upang matukoy ang pagkakakilanlan ng mga kawatan. Victor Martin