BULACAN, Philippines – Rehas na bakal ang binagsakan ng dalawang kalalakihan makaraang maaresto ng pulisya sa kasong panghahalay sa dalawang menor-de-edad sa magkahiwalay na bayan sa lalawigan ng Bulacan.
Sa bisa ng warrant of arrest na ipinalabas ni Judge Virgilita Castillo ng Malolos City Regional Trial Court Branch12, dinakip ang mga suspek na sina Rogelio Dela Rosa, 27, ng Sitio Matadero, Brgy. Abangan Sur, Marilao; at Roy Ramos, 33, ng Brgy. San Agustin, Hagonoy, Bulacan.
Wala naman piyansang inirekomenda ang korte para sa pansamantalang kalayaan ng mga suspek. (Boy Cruz)