CAMP OLIVAS, Pampanga – Pinaniniwalaang kawalan ng mapapasukang trabaho bilang professional doctor ang isa sa motibo kaya nagbaril sa sarili at namatay ang isang 38-anyos na lalaki sa Barangay Lourdes Sur sa Angeles City, Pampanga kamakalawa.
Nakilala ang biktima na si Gregorio Gaerlan kung saan ang bangkay nito ay natagpuan kahapon sa palikuran ng kanilang bahay sa Natividad Street, sa naturang lugar
May tama ng bala ng .38 cal. sa ulo ang biktimang dalubhasang medical transcripitionist na naghahanap ng trabaho ngunit sa malas ay ‘di umano mabigyan ng isa pang pagkakataon upang magawa ang dating propesyon.
Napag-alamang dating nagtatrabaho sa isang private hospital ang biktima na kamakailan lamang ay nagsarado kaya ninais niyang mag-aplay sa ibang hospital ngunit nabigo siya na matanggap.
Tinangkang hingan ng pahayag ng ilang reporters ang asawa ng biktima na si Regina Gaerlan hinggil sa pangyayari subalit tumanggi itong magbigay ng impormasyon. (Resty Salvador)