Bangkay ng dalagitang ni-rape slay natagpuan

CAVITE – Nilulumot na ang nagsisimula nang maagnas na bangkay ng isang dalagita na pinaniniwalaang ginahasa muna bago pinaslang nang matagpuan ng mga residente sa isang palaisdaan sa Bacoor sa lalawigang ito kahapon ng umaga.

Ang biktima ay tinatayang nasa 15-16 anyos, walang saplot sa pang-ibaba, tisay at humigit kumulang sa 5-talampakan ang taas at nakalutang sa palaisdaan sa Brgy. Mabolo 2 ng bayang nabanggit.

Sa imbestigasyon ni PO3 Dominador Termil dakong alas-7:30 ng umaga nang itawag sa kanilang himpilan ni Task Force Mabolo Chief Wowie Almeda ang narekober na bangkay.

Isang basurero umano ang unang nakatagpo sa lumulutang na bangkay ng biktima sa nasabing palaisdaan, habang ito ay namumulot ng basura malapit sa nasabing lugar.

Base sa teorya ng pulisya , pinaniniwalaang hinalay muna bago pinaslang ang biktima na may busal pa ng sarili nitong underwear ang bibig ng marekober ang bangkay. (Cristina G . Timbang