Mt. Kanlaon nag-alboroto

CAMP AGUINALDO –Nagpakita ng abnormalidad ang Bulkang Kanlaon matapos magbuga ito ng usok at abo kasabay ang bahagyang paglindol sa paligid nito kahapon ng umaga.

Ayon kay Maj. Gen. Melchor Rosales (Ret.) ng Office of Civil Defense, bandang alas-10:30 ng umaga kahapon nang mag-alburuto ang nasabing bulkan.

Sinabi pa ni Rosales, umabot sa 1 kilometro ang ibinuga nitong usok at abo habang 2 low frequency volcanic quake ang naitala. (Ulat ni Joy Cantos)