Nene ni-rape/slay; isa pa pisak sa truck

Isang 10-anyos na batang babae ang hinalay bago pinatay ng isang laborer na pinaniniwalaang lango sa droga kamakalawa sa Brgy. Habay ng bayang ito.

Kinilala ng pulisya ang natagpuang bangkay ng biktima na si Jacklyn Resurrecion ng Alalay Compound, Palo Alto, Brgy. Habay I ng naturang lugar.

Samantala, ang suspek na mabilis na nasakote sa isinagawang follow-up operation ng Bacoor PNP ay nakilalang si Reynaldo Gardo, 21, binata at kapitbahay ng biktima.

Natagpuan ng mga awtoridad ang bangkay ng biktima sa madamong lugar sa Brgy. Habay dakong alas 8 ng umaga makaraang iulat ng mga magulang na nawawala ito.

Kasunod nito, isa namang 5-anyos na batang babae ang iniulat na nasawi makaraang masagasaan ng truck ng militar habang tumatawid ang biktima kamakalawa ng umaga sa highway na sakop ng Brgy. Barucbuc, Quezon, Isabela.

Nakilala ang biktima na si Angelica Pamaspas habang ang suspek na driver ay kusang-loob na sumuko ay nakilalang si Corporal Robert Yadao ng 50th Brigade ng Phil. Army. (Ulat nina Cristina Go-Timbang at Joy Cantos)