Unang hinatulan ni Judge Sancho Dames II ng Regional Trial Court Branch 38 ng Daet Camarines Norte ang lolong si Alfredo Ramirez, 82, na sangkot sa panghahalay sa kanyang ampon noong nakalipas na Oktubre 24, 1997.
Ikalawang hinatulan ni Judge Dames ang isang magsasaka na nakilalang si Joselito Aceron, 30, ng Barangay Mangcayo, Vonzons, Camarines Norte.
Ang akusadong si Aceron ay napatunayang nagkasala makaraang gahasain ang isang dalaga sa Sitio Corregidor ng nasabing barangay noong nakalipas na Abril 1, 1997.
Bukod sa habambuhay na pagkabilanggo, inatasan din ng hukuman ang dalawang akusado na bayaran ang kanilang mga biktima ng halagang P100,000 bilang kabuuang damage.
Ang dalawa na pansamantalang nakapiit sa Camarines Norte Provincial Jail ay nakatakdang ilipat sa National Bilibid Prison sa Muntinlupa. (Ulat ni Francis Elevado)