MANILA, Philippines — Muling binalasa ng pamunuan ng Philippine National Police (PNP) ang limang senior officials na binigyan ng bagong puwesto.
Sa inilabas na kautusan ni PNP chief Gen. Rommel Francisco Marbil, itinalaga si dating Caraga Region Police Regional OffIce (PRO) Director Police Brig Gen. Eleazar Matta bilang bagong Director ng Philippine Drug Enforcement Group (PDEG).
Itinalaga naman si dating PDEG Director Brig. Gen. Dionisio Bartolome, bilang hepe ng Personnel Holding and Accounting Unit, Directorate for Personnel and Records Management (PHAU-DIDM).
Bagong director naman ng Civil Security Group (CSG) si Maj. Gen. Edgar Alan Okubo na dating Directorate for Police Community Relations (DPCR) habang tinanggal naman bilang Director ng PNP-Maritime Group (MG) si Brig. General Romaldo Bayting ay itinalaga bilang bagong hepe ng Area Police Commander-Western Mindanao (APC-WM).
Si Police Brig. General Cabal na dating nakatalaga sa Philippine National Police Academy (PNPA) ay itinalaga bilang bagong Director ng PNP-MG.
Epektibo ang nasabing balasahan ngayong Lunes.