DA bubusisiin ang pagpalo sa P300 kada kilo ng sibuyas
MANILA, Philippines — Wala umanong ideya ang Department of Agriculture (DA) kung bakit tumaas nang husto ang presyo ng sibuyas sa mga pamilihan.
Ngayon pa lang umano magsasagawa ng imbestigasyon ang DA matapos lumabas ang mga ulat na pumalo na sa P300 ang kada kilo ng pulang sibuyas.
“Ngayon po kami ay nakikipag-ugnayan sa Bureau of Plant Industry (BPI) para makita po natin ang supply situation, para makita po natin ang kadahilanan ng pag-spike ng presyo,” wika ni DA Assistant Secretary at spokesperson Kristine Evangelista sa press briefing kahapon.
Sa datos ng DA, ang presyo ng pulang sibuyas ay umabot na sa P280 kada kilo sa mga pamilihan sa Metro Manila noong nakaraang Biyernes. Ang presyo nito noong Oktubre 25 ay P180 kada kilo.
Wala pa naman anyang plano ang pamahalaan na mag-import ng pulang sibuyas dahil mayroon pa namang aanihin ang mga magsasaka sa Disyembre.
- Latest