Unpaid salaries ng 10K OFWs sa Saudi, sasagutin ng Crown Prince
MANILA, Philippines — Isang magandang aginaldo ang nag-aantay para sa mga overseas Filipino workers (OFWs) mula sa Saudi Arabia at kanilang pamilya ngayong darating na Kapaskuhan.
Ito’y matapos ianunsyo na sasagutin ni Saudi Crown Prince Mohammed bin Salman ang mga unpaid salaries o hindi nababayarang suweldo ng tinatayang nasa 10,000 OFWs na nagsisipagtrabaho sa construction firms sa Kingdom of Saudi Arabia (KSA).
Ayon ito kay House Speaker Martin Romualdez kasunod ng ginanap na bilateral meeting ni Pangulong Ferdinand “Bongbong” Marcos Jr. kay bin Salman sa sideline ng APEC Summit sa Bangkok, Thailand.
“President Marcos also secured the best gift for many of our country’s overseas Filipino workers (OFWs) this Christmas with the welcome announcement of Saudi Crown Prince Mohammed bin Salman during their bilateral meeting on the sidelines of the APEC Summit”, pahayag ni Romualdez.
Nabatid na idinadaing ng nasa 10,000 mga OFWs na hindi sila pinasuweldo sa construction firms sa Saudi Arabia matapos na malugi dulot ng COVID-19 pandemic
“The Saudi Crown Prince, who is also the Prime Minister, announced that his government will shoulder the unpaid salaries of around 10,000 OFWs who worked for Saudi construction companies that declared bankruptcy in 2015 and 2016”, pagbabalita pa ng House Speaker sa naging mabungang pagdalo ni PBBM sa APEC Summit.
- Latest