2 lalaki todas sa pamamaril sa Parañaque
MANILA, Philippines — Natagpuang patay ang dalawang hindi pa kilalang lalaki na biktima ng pamamaril sa magkahiwalay na insidente sa Parañaque City, kamakalawa ng gabi.
Unang nadiskubre ang wala ng buhay na biktima sa Canaynay Avenue, Brgy. San Dionisio na tinatayang nasa 30 hanggang 40-anyos na sakay ng bisikleta nang ito ay barilin ng hindi pa kilalang suspek.
Ang ikalawang biktima ay may tama ng bala ng baril sa ulo na natagpuan sa bahagi ng Quirino Avenue na ayon sa mga residente ay hindi kilala sa lugar at posibleng dayo lamang.
Inaalam pa ng pulisya ang pagkilanlan ng mga biktima sa pagpapatuloy ng imbestigasyon para alamin kung sino ang nasa likod ng pamamaslang at motibo sa pagpatay.
- Latest