Arawang kaso ng COVID-19 sa NCR bumaba ng 13%

MANILA, Philippines — Ayon sa OCTA Research bumaba ng 13 porsyento ang kaso ng coronavirus di­sease 2019 (COVID-19) sa Metro Manila.

Tinatayang 829 kaso kada araw ang naitatala sa NCR mula Hunyo 9 hanggang 15. Habang ang average daily attack rate (ADAR) naman ay anim kada 100,000 kaya’t nasa moderate risk classification na ang Metro Manila.

Ayon pa sa grupo, nasa 0.69 ang reproduction number sa NCR.

Samantala, sa loob ng rehiyon, nasa moderate risk ang lungsod ng Navotas Marikina, Caloocan, at Malabon.