2.4 milyong AstraZeneca vaccines na malapit nang ma-expire naiturok na – DOH

MANILA, Philippines — Inihayag ng Department of Health (DOH) na naiturok  na ang lahat ng malapit nang ma-expire na AstraZeneca vaccines sa mga vaccination site.

Sinabi ni Health Undersecretary Maria Rosario Vergeire sa isang online press conference na 2.4 milyong AstraZeneca vaccine ang naiturok na.

Matatandaang ang 1.5 milyong dose ng nasabing bakuna ay nakatakdang masira ngayong buwan at isang milyong dose naman sa Hulyo.

Saad pa ni Vergeire na inaasahang makatanggap ang bansa ng 11 milyong bakuna ngayong buwan.

Ibibigay ang 60 por­syento ng suplay ng bakuna sa mga lugar na may mataas na kaso ng sakit habang 40 por­syento ay mapupunta sa NCR Plus 8.