Ex-staff ni Sen.Revilla na nakakulong sa Bilibid, namatay

MANILA, Philippines — Iniulat ni Bureau of Corrections (BuCor) spokesperson Gabriel Chaclag na pumanaw na ang abogadong si Richard Cambe, dating chief of staff ni Sen. Bong Revilla dahil sa stroke kamakalawa ng gabi.

Si Cambe ay nakapiit sa New Bilibid Prison sa Muntinlupa City dahil sa plunder noong 2018 dulot ng P224.5 milyong Priority Development Assistance Fund (PDAF) ni Revilla.

Ayon kay Chaclag, dinala si Cambe sa Ospital ng Muntinlupa ngunit nasawi bandang alas-6:00 ng gabi.

Wala aniyang senyales ng foul play sa naturang pagkamatay.