NEDA: P30 bilyong kita mawawala sa 2 linggong ECQ sa NCR Plus
MANILA, Philippines — Inihayag ng National Economic and Development Authority (NEDA) na aabot sa P30 bilyon ang mawawalang kita ng mga mamamayan sa loob ng dalawang linggong enhanced community quarantine sa NCR Plus.
Ang NCR Plus ay binubuo ng Metro Manila, Cavite, Laguna, Rizal, at Bulacan na nakasailalim sa ECQ mula nitong Marso 29 at pinalawig hanggang Abril 11.
Una nang sinabi ng Employers Confederation of the Philippines (ECOP) na bilyon ang mawawalang kita ng ekonomiya ng bansa sa ekstensyon ng ECQ.
Giit ng NEDA na dapat paigtingin ng gobyerno ang Prevent, Detect, Isolate, Treat, and Recover (PDITR) strategy upang “be more effective in reducing COVID-19 cases.”
“ECQ alone does not reduce the spike in the COVID-19 cases. The solution is to further enhance our implementation of the PDITR strategy with clear targets to achieve. This will help reduce the spike in COVID-19 cases given the new variants,” saad ni Acting Socioeconomic Planning Secretary Karl Kendrick Chua.
Lahad ni Chua na ang PDITR noong Agosto 2020 hanggang Pebrero ngayong taon ay nakabawas ng halos dalawang libong kaso kada araw kaya’t unti-unting nabuksan ang ekonomiya.
Ngunit aniya dapat itong paigtingin dahil sa pagkalat ng variant ng virus.
- Latest
