34 nagpositibo sa COVID-19 2nd testing effort sa Kamara
MANILA, Philippines — Nagpositibo sa ikalawang mass testing laban sa COVID-19 ang nasa 34 katao mula sa 2,848 na empleyado ng Kongreso
Ayon kay Secretary General Mark Llandro Mendoza, ang bagong COVID-19 cases na naitala sa Kamara ay katumbas ng positivity rate na 1.19 percent, mababa kung ikukumpara sa 5-percent positivity rate na naitala sa kanilang unang mass testing.
Nabatid na ang mga sumailalim sa 2nd mass testing ay pawang asymptomatic at sumailalim na rin sa isolation para maiwasan ang pagkalat pa lalo ng coronavirus.
Kaagad naman din aniyang nagsagawa nang tracing sa mga nakahalubilo ng mga ito.
Mula Nobyembre 10 hanggang 20 noong nakaraang taon, isinagawa ng Kamara ang unang mass testing initiative nito, halos isang buwan matapos na maupo sa puwesto si Speaker Lord Allan Velasco.
Kabuuang 98 sa 2,000 House members at empleyado ang nagpositibo sa COVID-19 sa unang round ng mass testing, kung saan lahat ng mga ito ay pawang naka-recover na.
- Latest