Media workers welfare bill pasado na sa Kamara
MANILA, Philippines — Pasado na sa Kamara ang isang panukalang batas na naglalayong bigyang proteksyon at seguridad sa trabaho ng mga mamamahayag sa bansa.
Ito ang inihayag ni ACT-CIS Partylist Rep. Rowena Niña Taduran matapos na maipasa sa huli at ikatlong pagbasa ang House Bill (HB) 2476 o ang Media Workers Welfare Bill na kaniyang iniakda.
Sa botong 218-0-0 pinabilis ng Mababang Kapulungan ng Kongreso ang pagsasabatas sa panukala ni Taduran.
“Wala nang makapang-aabuso sa mga manggagawa sa media kapag naging ganap nang batas ang Media Workers Welfare Bill,” ayon kay Taduran.
Sa ilalim ng panukala, ang lahat ng manggagawa sa media ay bibigyan ng suweldong naaayon sa batas, magkakaroon ng security of tenure o hindi basta tatanggalin sa trabaho, makakakuha ng overtime at hazard pay, kasama pa ang insurance at iba pang benepisyo.
Samantalang ang mga na-assign para mag-cover sa mapanganib na pangyayari ay bibigyan ng dagdag na P500 na bayad kada araw ng coverage. Bibigyan din ng death at disability benefits na nagkakahalaga ng P200,000 ang maaapektuhang manggagawa sa media.
- Latest
