2 kelot itinumba sa Malabon

MANILA, Philippines — Dalawang lalaki ang nasawi sa magkahiwalay na insidente ng pamamaril sa Malabon City.

Batay sa ulat, alas-2:30 ng madaling araw nang pasukin ng hindi pa kilalang mga suspek ang kubo ni Valentino Espinosa, 34 na matatagpuan sa Tugatog Cemetery at dito ay binaril siya sa ulo at katawan sa harap ng ka-live in na si Maricel Dela Paz.

Mabilis na tumakas patungong Dr. Lascano St. ang mga suspek.

Samantala, alas-12:15 ng madaling araw ay pinagbabaril din ang biktima na si Sonny Boy Pardilllo, 39 ng Phase 2, Paradise Village, Brgy. Tonsuya, ng dalawang suspek.

Lumabas sa imbestigasyon, naglalakad ang biktima sa naturang lugar pauwi mula sa P. Aquino St. nang sundan siya ng dalawang armadong mga suspek at walang sabi-sabing pinagbabaril sa ulo at katawan.

Patuloy ang imbestigasyon ng pulisya sa posibleng tunay na motibo sa dalawang insidente ng pamamaril.