Posibleng magbalik-lockdown — Duterte
Kung makapasok ang bagong strain ng COVID…
MANILA, Philippines — Kung sakaling makapasok sa bansa ang bagong strain ng coronavirus ay posibleng magbalik sa lockdown ang Pilipinas.
“Actually iyong lockdown is a possibility. I said we are making some projections. But if the severity in numbers would demand that we take corrective measures immediately then well just have to go back to lockdown,” wika ni Duterte sa isang pagpupulong kasama ang mga miyembro ng IATF at mga health expert.
Ngunit giit ng Pangulo na depende ito sa sitwasyon na kapag marami na ang cases sa bagong variant at dahil wala pang antidote ay paano papatayin ang bagong variants na isang malaking problema.
Pahayag naman ni National Defense Secretary Delfin Lorenzana na maaaring magpatupad ng mas mahigpit na lockdown. Habang sinabi naman ni Interior and Local Government Secretary Eduardo Año na hindi pa kailangan ng lockdown sa kasalukuyan.
Giit naman ni Secretary Carlito Galvez Jr., chief implementer of the government’s COVID-19 response kailangan ng “pro-active measures” upang maiwasan ang pagpasok ng bagong strain ng virus.
Aniya, kailangang huwag pahintulutan ng Department of Foreign Affairs ang mga Filipino sa UK na umuwi ng bansa.
Habang dapat naman tiyakin ng Department of Transportation na mapatutupad ang mas mahigpit na border control sa mga paliparan.
- Latest
