Lady cops itatalaga ni Sinas sa mga key position sa PNP
MANILA, Philippines — Inihayag ni Philippine National Police chief General Debold Sinas na hindi siya magdadalawang isip na italaga ang mga babaeng pulis sa mga key positions tulad ng regional at district directors kung karapat dapat at kuwalipikado ang mga ito.
Sinabi ni Sinas na dapat ay nabibigyan ng pantay na pagkakataon sa paghawak ng posisyon at responsibilidad ang mga policewomen dahil sa kasalukuyan ay ang mga lalaking pulis ang nabibigyan ng pagkakataon sa promotion at key position.
Anya, panahon na rin ito ng PNP na ipakita ang tiwala sa kakayahan ng mga babaeng pulis tulad sa kakayahan ng mga lalaking pulis.
Matatandaang Oktubre nang italaga ni Sinas si Col. Angela Rejano bilang bagong chief of police ng Malabon City Police na dating hepe ng NCRPO Regional Plans and Strategy Management Division.
Si Rejano din ang kauna-unahang babaeng chief of police ng Sorsogon City at provincial director sa Siquijor.
- Latest