Electrician, timbog sa P6.8 milyon halaga ng shabu
MANILA, Philippines — Naaresto ng mga tauhan ng Philippine Drug Enforcement Agency (PDEA) ang isang lalaki sa isinagawang anti-illegal drug operation sa Cubao, Quezon, kamakalawa ng gabi.
Ang suspek ay kinilalang si Jayson Legaspi, nasa hustong gulang, electrician, at residente ng naturang lungsod.
Sa ulat, bago naaresto ang suspek, alas-11:00 ng gabi sa EDSA, Brgy. E. Rodriguez, Cubao, Quezon City ay nakatanggap ng tip ang PDEA hinggil sa illegal na aktibidad ng suspek na may limang ulit na umanong nagdeliber ng illegal na droga.
Kaagad na nagkasa ng operasyon, na nagresulta sa pagkakadakip nito at nakumpiska ang may isang kilong shabu, na may street value na P6.8 milyon.
Karaniwan pa umanong parokyano ng suspek ay mga tricycle driver sa nasabing lugar.
- Latest
