Pagbibitiw sa puwesto ni Duque, hindi napapanahon – Pangulong Duterte
MANILA, Philippines — Sa kabila ng mga kinakaharap na kontrobersiya ay mismong si Pangulong Rodrigo Duterte ang tumiyak na hindi pa panahon para magbitiw sa puwesto si Health Secretary Francisco Duque.
“By the way, Secretary Duque, this is not the time for you to resign. Hindi pa panahon mag-resign,” pahayag ni Duterte sa meeting kasama si Roque kamakalawa ng gabi.
Ayon sa Pangulo, buo ang tiwala niya kay Duque at sa tingin nito ay hindi ito kasama sa korapsyon.
“I have heard stories about you going to resign. I have full trust in you. Ang akin lang naman diyan ‘yung corruption. Eh wala ka doon sa ano --- tinignan namin ‘yung papel,” ani Duterte.
Ipinahiwatig ng Pangulo na posibleng nagkaroon ng negligence sa panig ni Duque, pero agad ring ipinunto ang laki ng organisasyon na hinahawakan nito.
Idinagdag ng Pangulo na nagkakaroon din ng pagkakataon na nawawala ang papel kaya puwedeng akusahan ng kapabayaan at kung hindi naman corrupt si Duque ay walang dahilan para magbitiw ito.
Inamin naman ni Duque na hindi niya matanggap sa dibdib ang ginagawang pagdadawit sa kanya sa korapsiyon na nagiging dahilan kung bakit hindi na siya nakakatulog.
Inamin din ni Duque na nadidismaya na siya dahil ang mga pumirma sa iniimbestigahang isyu sa Philippine Health Insurance Corp. (PhilHealth) ang hindi nakasama sa mga inirekomendang kasuhan ng Senado.
- Latest