Pagkain at pamasahe ng volunteers sa COVID-19 vaccine trials, babayaran
MANILA, Philippines — Isasama sa bayad ng mga magbo-boluntaryo para sa COVID-19 vaccines ang pagkain at pamasahe nila sa araw na sila lalahok sa clinical trials.
Nilinaw ni Secretary Fortunato de la Peña ng Department of Science and Technology, na babayaran ang mga magbo-boluntaryo dahil sila ay mawawalan ng kita sa mga araw na sila ay maaabala.
Hindi aniya dapat ituring na suweldo ang matatanggap ng mga magboboluntaryo kundi kapalit sa mawawala nilang kita kung saan isasama na rin ang bayad sa mapasahe at pagkain.
Sinabi pa ni de la Peña na iniiwasan nila na may mag alok ng mas malaking bayad sa mga magbo-boluntaryo kaya gagawin itong pare-pareho.
Nauna rito, inanunsiyo ng Inter-Agency Task Force (IATF) for the Management of Emerging Infectious Diseases na dapat ay magkaroon ng “standard rate” sa bayad ng mga sasali sa vaccine trials.
Ayon pa kay de la Peña, ang gastos ng World Health Organization solidarity trial ay sasagutin ng DOST samantalang ang mga hindi naman kasama sa WHO ay sasagutin ng mga producer o developer ng vaccine.
Ang cilinical trials sa ilalim ng WHO at gagawin sa Philippine General Hospital, RITM at Manila Doctors.
- Latest