Duterte: Pinas malalagay sa alanganin kung tuluyang bubuksan ang ekonomiya ng bansa
MANILA, Philippines — Hindi umano magiging maganda ang epekto sa bansa kung tuluyan nang bubuksan ang ekonomiya dahil malalagay sa alanganin kapag pinayagan ang full reopening ng ekonomiya.
Ayon kay Pangulong Rodrigo Duterte, kailangan aniyang maging maingat hinggil dito at magdahan-dahan lamang na dapat manageable pa rin ang bilang ng mga taong papayagang lumabas ng bahay para magtrabaho.
Sinabi pa ng Pangulo, hindi maaaring tumulad ang Pilipinas sa mga bansa ng America o Brazil dahil hindi mayamang bansa ang Pilipinas at hindi kakayanin ang isang total epidemic o pandemonium. “Now, let me stress that whether we open a modified lockdown or we totally open it in wild abandon kagaya ng America pati Brazil, well ang mga presidente doon medyo matatapang. May pera itong si [Bolsonaro]. Medyo may pagkaano rin may pagka-Trump and devil-may-care- attitude,” anang Pangulo.
- Latest
