Duterte muling sinalag si Duque sa mga senador
MANILA, Philippines — Sa ikalawang pagkakataon ay muli na namang ipinagtanggol ni Pangulong Rodrigo Duterte si Health Secretary Francisco Duque kaugnay sa mga akusasyon sa kanya ng mga Senador na overpri-cing na medical equipment at COVID-19 test kits.
Ayon sa Pangulo na maghintay na lamang ang mga senador ng official na report sa bidding ng equipment na ginamit ng gobyerno laban sa COVID-19.
“Wag ho kayo maniwala, ako na ‘yung nagsasabi sa inyo. ‘Yung mga test-test, ‘yung sabi nila they drag the name of Secretary Duque, hindi ho totoo ‘yun. Ang nagbili nu’n ang Budget pati ‘yung Office of the President mismo,” ayon kay Duterte.
Pagtatangol pa niya, ang mga nasabing bidder na nag-alok ng mababang presyo ay hindi umano sumali sa bidding.
Magugunita na noong nakaraang linggo ay nagisa sa pagdinig ng Senado nina Senador Panfilo Lacson at Senate Minority Leader Franklin Drilon si Duque kaugnay sa umano’y overpriced na COVID-19 test kits.
Giit ng Pangulo, hindi dapat maniwala sa mga akusasyon at sa halip ay dapat maghintay na lamang ng official report mula sa kanyang tanggapan bilang respeto.
- Latest
