Caretaker sinugod ang kasama, napatay
MANILA, Philippines — Namatay noon din ang isang caretaker ng pribadong farm matapos na barilin ng kasamahan sa trabaho nang sumugod ang una sa bunkhouse ng huli kahapon ng madaling araw sa Brgy. Anislag, Daraga, Albay.
Ang nasawi dahil sa mga tama ng bala sa katawan ay kinilalang si Rolando Berango, nasa hustong gulang at residente ng Purok-1 ng nasabing barangay. Habang sumuko naman ang suspek na si Christopher Magalona Guerrero, 38.
Sa salaysay ng suspek sa mga pulis, ala-1:00 ng madaling araw ay armado ng itak at baril na kalibre 22 ang biktima na noon ay lasing sa alak at sinugod siya umano nito sa kanyang bunkhouse at pinagbabato.
Dahilan para lumabas ang suspek at kinompronta ang biktima na nauwi sa pagtatalo at nang tangkain tagain ay nakailag ang una,subalit akma din ng huli na bunutin ang baril kaya inagaw ito ng suspek at pinagbabaril ng tatlong beses ang biktima na nasawi noon din.
- Latest