Sunog sa Las Pinas: 100 pamilya nawalan ng bahay
MANILA, Philippines — Hindi na makakapag-home quarantine ang higit sa 100 pamilya sa Las Piñas City makaraang tupukin ng apoy ang kanilang mga bahay, kahapon ng madaling araw.
Sa ulat, dakong alas-12:00 ng hatinggabi nang magsimula ang sunog sa bahay ng isang Elmer Sisista sa Everlasting St., Barangay Talon na mabilis kumalat ang apoy sa mga katabing bahay na pawang gawa sa light materials.
Umabot sa ikatlong alarma ang sunog at makalipas ang dalawang oras dakong alas-2:30 ng madaling araw nang magdeklara ng fire-out at walang naiulat na nasawi o nasugatan.
Pansamantalang inilikas sa mga covered court at sa mga barangay halls ang mga pamilyang nasunugan habang naghihintay ng tulong ng pamamahalaang lokal at nasyunal.
- Latest