500 bahay naabo, 3-libong pamilya natulog sa kalye
Sa kasagsagan ng ECQ, social distancing
CAVITE, Philippines — Sa kabila ng painiiral na enhance community quarantine (ECQ) at social distancing ng gobyerno dahil sa COVID-19 pandemic, sa labas na lamang ng kanilang tahanan natulog ang may isang libong pamilya matapos na sumiklab ang sunog sa 500 kabahayan sa Bacoor City kahapon.
Sa ulat ng pulisya, kanya-kanyang salba ng kanilang miyembro ng pamilya at gamit ang mga residente sa Sitio Wawa Uno, Brgy. Zapote 5, Bacoor City nang magsimulang masunog ang mga kabahayan kahapon ng madaling araw.
Dahil dito, tuluyang nabalewala ang pagpapatupad ng social distancing sa nasabing lugar matapos magkagulo ang mga residente dito at unahang makalabas ng kanilang mga tahanan upang maligtas sa naglalagablab na apoy.
Lumalabas sa imbestigasyon na overloading ng kuryente ang hinihinalang sanhi ng sunog dahil sa pagtaas ng konsumo sa mga bahay matapos ipatupad ang extreme enhanced community quarantine sa Bacoor laban sa COVID-19.
Wala namang naiulat na namatay o nasaktan sa nasabing sunog.
Sa kasalukuyan ay nasa tabing kalsada lamang pansamantalang naninirahan ang mga nasunugan.
- Latest