PCSO, sinuspinde ang Peryahan ng Bayan
MANILA, Philippines — Inianunsiyo kahapon ni Philippine Charity Sweepstakes Office (PCSO) General Manager Royina Marzan Garma ang suspensiyon ng operasyon ng Peryahan ng Bayan sa bansa.
Batay sa isang pahinang direktiba ay epektibo ang naturang suspensiyon simula noong Pebrero 6, 2020 at inaasahang magtatagal hanggat wala pang inilalabas na kautusan hinggil dito ng Office of the President.
Hindi naman nakasaad sa naturang anunsiyo kung ano ang dahilan ng suspensiyon.
Nabatid na Oktubre 2019 lamang nang magsimulang mag-operate ang Peryahan ng Bayan, na binigyan umano ng 15 area ngunit 11 lamang ang nag-operate.
Sa naturang tatlong huling buwan ng 2019, nakapagtala ang Peryahan ng Bayan ng kitang P68 milyon.
- Latest