Looting sa mga bahay sa Batangas

MANILA, Philippines — Iniulat ng pulisya na nagkakaroon ng insidente ng looting sa mga bahay sa Batangas na iniwan ng mga residente para magtungo sa evacuation dahil sa  pagputok ng Taal volcano.

Sinabi ni Army Brig. Gen. Marceliano “Kit” Teofilo, Joint Task Group Taal Commander, hindi maiiwasan na may mga pasaway na magsamantala sa mga kabahayang naiwang walang mga tao kaya naman ay pinaigting ng pulisya ang pagpapatrulya para masupil ang “looting” o pagnanakaw sa mga kabahayang naiwang walang mga tao.

Sinabi nito na maraaming mga nag-evacuate pero may mga pasaway na bumabalik pa rin sa kanilang mga bahay na hinaharang ng PNP at AFP sa inilatag na mga checkpoint.

Sa kasalukuyan ay patuloy na iniimplementa ang lockdown sa mga high risk areas na nasasaklaw ng idineklarang 14 kilometer radius permanent danger zone.