Rapist killer ng 8-anyos natagpuang patay sa selda

MANILA, Philippines — Mistulang nakuha na agad ng pamilya ng 8-anyos na babaeng biktima ng rape-slay ang hustis­ya makaraang matagpuang patay sa loob ng kinakukulungang selda ang pangunahing suspek sa krimen, kahapon ng umaga.

Sa inisyal na ulat, dakong alas-7:00 ng umaga ay nilapitan ng kanyang kapwa mga preso ang suspek na si Ricardo Burce, 55, subalit hindi ito gumagalaw sa higaan.

Si Burce ay inaresto ng pulisya noong Enero 6, 2020 matapos na ituro na siyang huling nakitang kasama ni Janelle Sanchez bago ito iulat ng kanyang ama na nawawala at natagpuang patay sa damuhan na walang pang-ibabang saplot.