Mahigpit na seguridad sa promulgasyon ng Maguindanao massacre case
MANILA, Philippines — Mahigpit ang gagawing seguridad ng pulisya sa magaganap na promulgasyon o paglabas ng hatol sa mga sangkot sa Maguindanao massacre sa darating na Disyembre 19.
Ito ang ipinag-utos kahapon ni Philippine National Police (PNP) Officer in Charge Police Lt. Gen.Archie Gamboa kaya’t inatasan si National Capital Region Police Office (NCRPO) Director Police Brig. Gen. Debold Sinas na higpitan ang seguridad sa Quezon City Jail Annex sa Camp Bagong Diwa sa Taguig City.
Nabatid na ibababa na ni Judge Jocelyn Solis-Reyes ng Quezon City Regional Trial Court (RTC) Branch 221 ang promulgasyon sa isang dekada ng Maguindanao massacre.
Magugunita na 58 katao ang nasawi kabilang ang 32 mediamen matapos tambangan ang convoy ng sasakyan ng pamilya ni dating Maguindanao at ngayon ay Rep. Esmael “Toto” Mangudadatu na magsusumite ng Certificate of Candidacy (COC) sa Ampatuan, Maguindanao noong Nobyembre 23, 2009.
Tiniyak ni Banac na handa ang PNP na pagkalooban ng seguridad si Judge Reyes.
- Latest
