Ginang pinatay ng ‘akyat bahay’

MANILA, Philippines — Isang ginang ang natagpuang patay sa ibabaw ng kanyang kama na pawang nakagapos ang mga kamay at paa kahapon ng umaga sa Brgy. Castanos Cerca, Gen Emilio Aguinaldo, Cavite.

Ang biktima na pinaniniwalaang pinatay sa sakal ay nakilalang si Lorena Causapin, nasa hustong gulang, residente ng  Paradahan St., ng nasabing barangay.

Sa ulat, alas-8:30 ng umaga nang dumating sa bahay ang pamangkin ng biktima na si Mae Obias at dito ay nadiskubreng patay ang tiyahin na may busal ang bibig.

Hinala ng pulisya na pagnanakaw ang motibo ng pamamaslang dahil sa nawawala ang pera ng biktima na mahigit P100,000 nang ito ay puwersahang pasukin ng hindi pa kilalang mga suspek.