Bading kinatay sa kalye

MANILA, Philippines — Isang bading ang natagpuang patay sa madi­lim na bahagi ng Port Area, Manila, kahapon ng mada­ling araw.

Ang biktima na kinilala sa alyas Twinkle Bakla, nasa 30-35 ang edad, may taas na 5/8-5’10, nakasuot ng itim na blouse at olive green short.

Sa ulat ng pulisya, bandang ala-1:30 ng madaling araw nang madiskubreng nakahandusay ang biktima sa Blk. 1 Aplaya sa Baseco Compund, Port Area.

Bagama’t naghihi­ngalo ang biktima dahil sa mga tinamong saksak sa iba’t ibang bahagi ng katawan ay agad na dinala ito ng mga barangay officials sa Gat. Andres Bonifacio Medical Center at namatay habang nilalapatan ng lunas.