Barangay chairman sa Bulacan, tinodas
MANILA, Philippines — Dead on the spot ang isang barangay chairman nang pagbabarilin ng dalawang lalaki kahapon ng umaga sa Brgy. Lapnit, San Ildefonso, Bulacan.
Ang nasawing biktima ay kinilalang si Rosteo Salao, 67, may-asawa at kasalukuyang Brgy. chairman ng Brgy. Lapnit, San Ildefonso, Bulacan.
Sa imbestigasyon, bago nangyari ang krimen dakong alas-5:50 ng umaga ay minamaneho ng biktima ang kanyang motorsiklo nang sumulpot ang isang motorsiklo sakay ang dalawang lalaki at malapitan itong pinagbabaril ng apat na beses sa likuran na agad nitong ikinasawi.
Inaalam pa ng mga otoridad ang tunay na motibo sa pagkakapaslang sa biktima habang kasalukuyan pa ring tinutugis ng mga pulis ang dalawang suspek.
Magugunita na itinumba din kamakailan si Chairman Felimon Lazaro ng Brgy. Malipangpang, San Ildefonso, Bulacan na hanggang ngayon ay blangko pa rin ang pulisya sa katauhan ng mga suspek.
- Latest
