Modelo, kasama dakip sa P1-M cocaine at ecstasy
MANILA, Philippines — Naaresto ng mga tauhan ng Philippine Drug Enforcement Agency (PDEA) ang isang modelong lalaki na umano ay grand finalist ng isang noontime show at kasamang babae sa isang buy-bust operation at nakumpiskahan ng P1-milyong halaga ng cocaine at ecstasy kahapon ng umaga sa Taguig City.
Kinilala ang dalawang suspek na sina Aron Cruz, 25, freelance commercial model at endorser ng iba’t ibang produkto at residente ng Mother Ignacia St., Quezon City at Geraldine Vitto, 22 ng Welfereville Compound, Mandaluyong City.
Sa ulat, dakong alas-5:30 ng umaga nang isagawa ang buy-bust operation sa 36th St. Bonifacio Global City, Brgy. Fort Bonifacio, Taguig City laban sa dalawang suspek na umano ay kabilang sa mga supplier ng droga sa ilang artista na hindi tinukoy ng PDEA.
Inamin naman ni Vitto na sa kanya nakuha ang party drugs pero napag-utusan lang umano siya at pinadala ang order at hindi niya alam na droga ang dala.
- Latest
