2 parak patay sa NPA rebels
MANILA, Philippines — Dalawang pulis ang nasawi nang mapatay ng mga nakasagupang rebeldeng New People’s Army habang nagsasagawa ng intelligence operation sa bulubunduking lugar ng Brgy. Payak, Bato, Camarines Sur, kahapon ng umaga.
Ang dalawang nasawi habang ginagamot sa Medical Mission Gruop Hospital sa Nabua ay kinilalang sina P/Master Seargent Sotero Javier; at Patrolman Prince Lagdameo, kapwa kasapi ng 2nd Police Mobile Force Company (PMFC).
Sa ulat na nakarating sa Camp Gen. Simeon Ola, dakong alas-5:00 ng umaga ay nagsasagawa ng intelligence operation ang mga otoridad na kasapi ng 2nd PMFC, 1st PMFC at Regional Intelligence Unit-5 nang masalubong nila ang aabot sa 18 na rebelde.
Agad nagkaroon nang putukan na umabot ng 20 minuto hanggang parehong tamaan ng bala ang mga biktima sa katawan na isinugod sa hospital pero namatay habang ginagamot.
Umatras naman ang mga rebelde na patuloy na tinutugis ng mga pulis katuwang ang mga kasapi ng 9th Infantry Division ng Philippine Army.
- Latest