Misis pinasok, tinepok sa bahay

MANILA, Philippines — Isang misis ang nasawi nang ito ay pagbabarilin ng dalawang lalaki na pumasok sa kanyang bahay sa Binangonan, Rizal, kamakalawa ng hapon. 

Nakilala ang nasawi na si Winie Ramos, nasa hustong gulang, may-asawa, residente ng Brgy. Calumpang, Binangonan.

Sa ulat ng Angono Municipal Police Station, dakong alas-4:34 ng hapon ay nakaupo sa isang monobloc chair ang biktima at nagpapahinga sa loob ng kanilang bahay nang pasukin at kaagad na pagbabarilin ng dalawang lalaki. Tumakas ang mga suspek nang bumulagta ang ginang.