Maraming babae ang papasok sa Magic 12-Poe
MANILA, Philippines — Ikinasiya ni Senadora Grace Poe na maraming babae ang papasok sa “Magic 12” sa nalalapit na midterm elections base sa resulta ng mga survey.
Hinggil sa laging pa-ngunguna sa iba’t ibang survey, idiniin ni Poe na nag-iikot lang siya at patuloy sa pangangampanya sa iba’t ibang bahagi ng bansa.
Bukod kay Poe, pasok din sa Magic 12 sina Senator Cynthia Villar, Ilocos Norte Gov. Imee Marcos, Congw. Pia Cayetano.
“Alam ninyo, kahit na anong survey, may mga iba talaga na magdududa ka pero hayaan mo na, kasi para sa akin, ang pinakaimportanteng survey ay ‘yung araw ng halalan,” diin ni Poe.
Nagpapasalamat si Poe sa mga suporta at binati ang lahat ng ina ng Happy Mother’s Day nang mangampanya ito sa Bulacan, Danao City, Cebu kahapon.
- Latest
