Magtipid sa tubig-Joy B
MANILA, Philippines — Dahil sa karamihan ngayon sa Metro Manila ay may kakulangan sa suplay ng tubig ay hinikayat ni Quezon City Vice Mayor Joy Belmonte ang mga residente sa Quezon City na ugaliing magtipid ng tubig.
Reaksiyon ito ni Belmonte sa mga ulat na paghina at minsay pagkawala na ng suplay ng tubig sa mga lugar sa Metro Manila dahil sa mataas na demand ng mga tao sa tubig dahil sa init ng panahon at bumaba ang water level sa mga dam partikular ang La Mesa dam.
Hiniling din nito sa mga taga QC na isumbong agad sa mga kinauukulan ang mga sirang tubo ng tubig na makikita sa mga paaralan, mga opisina at alinmang establisimiento upang agad itong makumpuni at hindi na makadagdag pa sa problema sa kakapusan ng suplay ng tubig.
Anya, apektado ng water service interruption ang ilang bahagi ng Quezon City habang sa ilang barangay naman ay may mababang pressure ng tubig.
- Latest